1'emîn Lûtkeya Gastronomî ya Mezopotamya ya ku li Amedê hat lidarxistin bi dawî bû.

Komîteya Amadekar a Civîna Bilind a Gastronomîya Mezopotamyayê piştê lûtkeyê encamnameyê eşkere kir. Di encamnameyê de hat dîyarkirin ku ji çar alîyê Tirkîye û derveyê welat zêdetirê 300 kes û zêdetirê 50 sazî ku di nav wan de sefaretxane, sazîyên cemawerî, sazîyên sivîl, kooperatîf, akademîsyen û xwendekar hene, beşdarê Lûtkeyê bûne.

Di lûtkeyê de bi tevahî heşt rûniştin, yek pêşkêşî û du hevpeyvîn pêk hat. 37 zanyar, aşpêşvan û lêkolînerên ku di warê gastronomîyê de dixebitin, zanîn û tecrubeyên xwe parve kirin. Di du rûniştinan de bi navê Gastronomîya Amedê; dewlemendîya lêkolînên ku di van sê saln dawî de li ser Amedê hatine kirin, nîşan dide ku lidarxistina vê lûtkeyê li vî bajarê ne armanc e, encamek e.