Bihabûna kirêyan li tevahîya Tirkîyê de di navbera xwedîyên xanîyan û kirêdaran de bû sedema pirsgirêkan û ji ber vê 3 wezaret dest bi xebatek nû kirin.

Wezareta Hawirdor, Bajarvanî û Guhertina Îqlimê, Wezareta Darayîyê û Wezareta Edaletê, ji bo sererastkirina zêdekirina kirêyan dest bi xebatê kirin. Piştê zêdekirina kirêyan, di demên dawî de hat dîtin ku xwedîyên xanîyan kirêdarên xwe yên kêm kirê didin, neçar dikin ku ji bo bihayên giran ji malên xwe derkevin. Wezîrê Edaletê Bekîr Bozdag, di derbarê mijarê de daxuyanî da. Bozdag wiha got; “Hê kar bi dawî nebûye. Ger formulek maqûl hebe ku hem hiqûqê xwedîyê malê û hem jî hiqûqê kirêdar biparêze, em dikarin li ser vê formulê tevbigerin."