Serokatîya Rêveberîya Rewşa Afet û Lezgîn (AFAD) daneyên fermî yên herî dawî yên erdhejên di 6ê Sibatê de navenda wê Mereş bû, û li 11 bajaran bû sebeba wêranîyeke mezin eşkere kir.

AFAD’ê dîyar kir ku piştê erdhejên 7,7 û 7,6’an, 11 hezar û 20 erdhej çêbûne û wiha eşkere kir: “Li Mereş, Dîlok, Riha, Amed, Edene, Semsûr, Osmanîye, Hatay, Kilîs, Meletî û Elezîzê, bi tevahî 45 hezar û 89 kesan jîyana xwe ji dest dane. Hejmara kesên ku ji herêmê hatin tehlîyekirin û bi rêya serlêdana qeymeqamtî an qeymeqamtîya bajarên ku bi derfetên xwe çûne, milyonek û 971 hezar û 589 kes in.