Seroka Giştî ya ÎYÎ Partîyê Meral Akşener duh li Enqerê bi serokên bajêr ên partîya xwe re civîya û gotinên wê bû rojev.

Akşener derbarê gotinên Parlamenterê Stenbolê ya CHP’ê Gursel Tekîn ku gotibû dibe peywira wezîrî ji bo HDP’ê were dayîn axivî û wiha got: “Heke HDP di tifaqê de cîh bigre em ê wê li wir cîh negrin. Di tifaqa ku em lê bin cîhê HDP’ê li wir tuneye.” Her wiha hat bibîrxistin ku, ji Tekîn re di weşaneka zindî de “Heke hûn bibin îktîdar, gelo hûn ê ji bo HDP’ê wezîrî bidin?” hatibû pirsin û Tekîn jî bersiva erê dabû û wiha gotibû: “Helbet dibe wezîrî ji bo HDP’ê bê dayîn, ji bo hemû partîyan kare bê dayîn.”