Li Taxa Ben û Sen a ku li navçeya Yenîşehîra Amedê di dema xebatên "veguherîna bajaran" de hilweşiya bû, ji binê xirbeyan bermahîyên dîrokî yên nû derketin holê. Hevseroka Odeya Mîmaran a Şaxa Amedê Selma Aslan, ku bermahîyên wekê "Birca Duyemîn" ên li Ben û Senê derketine lêkolîn kir, dîyar kir ku divê ev xirbe di bin parastinê de bin û wiha berdewamkir; “Hat zanîn ku ji derve ve dîwarê keleha duyemîn heye ku avahîya Birca Kêleha ya Amedê dorpêç kirîye û ev yek piştê hilweşandina avahîyên li binê Bircê derketîye holê. Em daxwaz dikin ku kolandin bên kirin da ku dîwarên binê erdê derxin holê." Aslan bal kişand ser girîngîya destwerdana rast a ji bo bermahîyên nedîtî û wiha got: “Weke destwerdana serdemê, cudahî di warê gihandina agahîyan ji bo pêşerojê bi mudaxeleyên cuda girîng in. Divê midaxeleya bermahîyên heyî rast bê kirin û xebatên parastinê bên kirin.