Hat dîyarkirin ku li Baglara Amedê, avahîyên ku hêj pêvajoya îtîrazê berdewam e, ji alîyê şaredarîyê ve tê xwestin bê hilweşandin.

Li taxa 5 Nîsanê ya Baglara, avahîya Yoldaş ya ku di erdhejên navenda wê Mereş bû de hilweşîyabû, ji bo avahîyên li kêleka wê ya rast û çepê ya bi navê apartmana Şenel-3 û apartmana Hîcaz biryara hilweşandinê hatibû dayîn. Şênîyên herdû avahîyan jî dibêjin di avahîyên wan de xisar çênebûye.

Midûrîyeta bajêr ya Wezareta Hawirdor, Bajarvanî û Guhertina Avhewayê û Şaredarîya Bajarê Amedê, ji bo hilweşandinê hêj dîrokek dîyarkirî nedane. Lê Şaredarîya Baglarê biryar da ku hilweşînin. Biryara şaredarîyê bû sedema bertek û nerazîbûnan.

Şênîyen herdû avahîyan dîyar kirin ku ji bo îtîrazê serî li meqamên têkildar dan e. Lê digel pêvajoya îtîrazê berdewam dike û hêj bi encam nebûye jî, şaredarîya Baglarê dixwaze avahîyan hilweşînin.

Hemwelatî dibêjin ger di encama lêkolîna ekîbên pispor de biryar bê dayîn wê îtîraz nekin. Beyî lêkolîn û vekolînên ekîbên pispor, hiweşandina avahîyan tê wateya ku bi dehan malbat ji mal û warê bimîn e.