Serokê Federasyona Nanpêjên Tirk Halîl Îbrahîm Balci, derbarê nîqaşên li ser bihabûna nan de ku di demên dawî de di rojevê de ye daxuyanî da û dîyar kir ku gotinên divê wê bihaya nan bibe 10 lîre ji rastîyê dûr in.

Balci di daxuyanîya xwe de wiha got: "Nan nabe 10 lîre. Lê belê ji ber ku piştgirîya arvan bidawî bû, mûçeya herî kêm zêde bû, di heman demê de lêçûn jî zêde bûn û ji bo bihayê nan jî pêwîstîyek çêbû.

Bihayê herî maqûl ew e ku serokên odeyên bajaran li gor lêçûnên li bajarên xwe û li gor hesabkirina lêçûnên xwe serî lê bidin. Em li serê dixebitin da ku kîloya nan ji 35 lîre 50 quruşan derbas nebe.”