Baroyên herêmê bi taybetî Baroya Amedê têkildarî êrîşa bombeyî ya li Stenbolê daxuyanî dan. Di daxuyaniya hevpar a Baroyên Herêmê yên li ser medyaya civakî de wiha hat gotin; “Em êrîşa hovane ya ku mirovên bêguneh dike hedef bi tundî şermezar dikin.  Êrîşên bi vî rengî yên li ser mafê jiyanê û hedefgirtina sivîlan wê negihêjin armancên xwe. Pêwîstiya serweriya hiqûqê ye ku daxwaza civakê ya di nava ewlehiyê de bi ser bikeve. Di vê çarçoveyê de em wek Baroyan; Daxwaz ji hikûmetê dike ku tedbîrên pêwîst bigire ji bo pêşîgirtina li van êrîşan û ji Serdozgeriya Komarê ya Stenbolê vekolînek bilez û bi bandor li ser êrîşê bike. Em ji bo welatiyên me yên di êrîşê de jiyana xwe ji dest dane ji Xwedê rehmet, ji xizmên wan re sersaxiyê û ji birîndaran re jî şifayê dixwazin.