Baroya Amedê, derbarê êrîşên Îsraîlê yên li dijî nexweşxaneyên li Gazeyê peyama şermezarkirinê parve kir.

Di daxuyanîya li ser hesabê medyaya civakî ya fermî ya Baroya Amedê de wiha hat gotin; “Di êrîşên Îsraîlê yên li ser Nexweşxaneya El-Ehlî ya Baptîst a Gazeyê de bi sedan sivîl jîyana xwe ji dest dan.

Em careke din dewleta Îsraîlê ji ber qetlîamên ku li dijî sivîlan dike bi tundî şermezar dikin. Em bang li civaka navneteweyî dikin ku li dijî vê hovîtîyê demildest bikevin tevgerê.”