Ciwanê ku li Amedê agir bi bedena xwe xistibû, jîyana xwe ji dest da.

Li gor agahîyên ku hatine wergirtin Mehmet Akar ê 24 salî, tê îdîakirin ku ji bo tecrîda li ser Abdûllah Ocalan protesto bike do danê êvarê li Birca Keç a dîrokî ya navçeya Sûrê ya Amedê, agir bi bedena xwe xist û xwe şewitand. Li ser agahdarkirina kesên derdorê tîmên agirtef, polês û ekîbên tenduristîyê sewqî herêmê bûn. Akar ê ku piranîya laşê wî şewitî bû rakirin nexweşxaneyê. Lê digel hemû mudaxeleyan, Mehmet Akar ê 24 salî li nexweşxaneya ku lê dihat dermankirin, îro danê nîvro jîyana xwe ji dest da.