Înîsiyatîfa Şopandina Perwerde û Reformê ya Amedê (DÎERG) bi wesîleya ezmûna zanîngehê, li ser pergala perwerdehîyê daxuyanîyek da.

DÎERG'ê dîyarkir ku ezmûna zanîngehê newekhevîya di pergala perwerdehîyê de zêdetir kir û nirxandineke wiha kir; “Ezmûna têketina zanîngehê û ezmûnên bi giştî ên ji bo derbasbûna di navbera astan de, bi demê re sistematik bûne. Pergala heyî; di warê pêvajo, encam û bandoran de newekhevîya perwerdehîyê zêde dike.” Her wiha di daxuyanîyê de bal hat kişandin ser pêwîstîya guhertina tevahî ya pergala perwerdeyê û daxuyanî wiha berdewam kir; “Pêşnîyarên ji bo betalkirina ezmûna zanîngehê yan jî ji bo zanîngeheke bê ezmûn girîng in, lê divê giranî û lezgînîya rewşê li ber çavan bê girtin. Piştê ku biryara pêkanîna modela nû bê ezmûn hat dayîn, divê li gor modela nû, ji pola yekem dest bi perwerdeyê bê kirin.”