Dadgeha Destûra Bingehîn (AYM) bertek nîşanî serlêdana Alîkarê Serokê Koma HDP'ê û Parlamenterê Stenbolê Saruhan Oluç a ji bo rakirina parêzbendîya parlamenterîya Semra Guzel da. Di nirxandina ku ji alîyê Dadgeha Destûra Bingehîn ve hat kirin de wiha hat gotin: "Dema ku hincetên ku hatine destnîşan kirin, delîlên hatine pêşkêşkirin, prosedur û pêvajoya girtina biryaran were lêkolîn kirin, tê fêhmkirin ku rakirina parêzbendîyê ne li dijî Destûra Bingehîn û qanûnê ye.” Ji ber van sedeman Dadgeha Destûra Bingehîn, biryar da ku daxwaza betalkirina parêzbendîya Guzel bi yekdengî red bike.