Lijneya Dadger û Dozgeran (HSK) derbarê Dadger Ahmet Çakmak ê ku cara sêyemîn li dijî namzetîya Serokkomar Recep Tayyîp Erdogan îtîraz kiribû, biryara îxrackirinê da.

Li gor nûçeya Sefa Uyar ê ji rojnameya Cumhurîyetê, Serokkomar Erdogan ji ber ku îtîraz li namzedîya wî ya cara sêyemîn kirî ye, derbarê dadger Ahmet Çakmak de lêpirsîn hat destpêkirin û 2 caran biryara guhastinê hat dayîn.

Li gor Qanûna Dadger û Dozgeran kesê ku du caran cezayê guhastinê lê tê birîn ji pîşeyê tê dûrxistin. Lijneya Duyemîn a HSKyê di 6ê Tîrmehê de biryara dûrxistina ji pîşeyê ya Çakmak da.