Hevserokê Giştî yê HDP'ê yê berê Selahattîn Demîrtaş, anî ziman ku hewl dide HDP bi namzetekî navîn bikeve hilbijartinê û got, "Li gor helwesta Maseya Şeş Alî, îhtîmala namzetekî hevpar hê jî li ser maseyê ye.

Ji namzedê hevpar re derî na girtî ye." Selahattîn Demîrtaş ku ji sala 2016’an ve li Girtîgeha Edîrneyê girtî ye, pirsên nivîskî yên Reuters’ê bersivandin. Demirtaş daxuyanîya HDP'ê ya ku wê bi namzetê xwe têkeve hilbijartinê nirxand û wiha got, "HDP nikare hilbijêrên xwe li ser sindoqan neçar bihêle. Partîya me HDP her tim bûye partîya ku ji bo hevgirtina mûxalefetê û yekitîya mûxalefetê da ku bi namzedê hevpar têkevin hilbijartinê û dest ji van hewldanan bernedaye. Ev jî bi helwesta Maseya Şeş Alî ve girêdayî ye û derî bi temamî nehatîye girtin.