Xizmên Windayan, Wekîla HEDEP'ê ya Amedê Halîde Turkoglu, nûnerên partîyên sîyasî û rêxistinên sivîl û parêzvanên mafan beşdarê çalakîyê bûn.

Di çalakîyê de wêneyên kesên di binçavan de bi zorê hatin windakirin û di encama êrîşeke nedîyar de hatine qetilkirin, hilgirtin.

Vê hefteyê bi wesîleya 25'ê Mijdarê Roja Têkoşîna li Dijî Tundîya li Ser Jinê ya Cîhanê, jinên ku di binçavande bi darê zorê hatin windakirin û qetilkirin, kiryarê wanên ne dîyar hatin pirsîn.

Hevseroka Şaxa ÎHD'ê ya Amedê Suzan Mehmetoglû Aksoy di çalakîyê de axivî û got, “Em vê hefteyê jî 25’ê Mijdarê Roja Têkoşîna li Dijî Jinê bi çalakîyan berdewam dikin.

Weke Tora Têkoşîna li Dijî Tundîyê ya Amedê û sazîyên jinan, serlêdana me ya ji bo meşa ku em ê di çarçoveya çalakîyên hefteyê de li dar bixin, li walîtîyê hat redkirin. Meşa me hat astengkirin. Dîsa jî emê li qadan bin. Jin bi têkoşînê wê mafên xwe bi dest bixin. Em ê ji têkoşîna xwe paşde gav navêjin. Heta ku jin hebin wê têkoşîn bidome.”

Piştê daxuyanî û axaftinan navên jinên di binçavan de bi zorê hatin windakirin û qetilkirin hatin parvekirin.