Di operasyona sextekarîyê ya ku navenda wê Amed e li 3 bajaran hat kirin de 9 gumanbar hatin binçavkirin.

Di lêkolîna ku ji alîyê ekîbên Midûrîyeta Emnîyetê ya Bajar a Amedê ve hat kirin de gumanbarên ku hat tesbîtkirin ku sextekarîya înternetê kirine, bi rêya sîberê hat şopandin û nasname û navnîşanên wan hatin tespîtkirin.

Di lêkolînan de hat dîyarkirin ku kesên gumanbar, malperên danûsandinên ên navdar teqlîd û kopî kirine, kesên ku dixwazin tiştan bikirin û bi rêya lînka ku şandine pereyan distînin. Her wiha gumanbaran wek ji navenda alîkarîya bi telefonê li mexdûran gerîyane û ji ber hincetên cuda ji mexdûran xwestine ku dîsa pere razînin.

Ekîban ji bo girtina gumanbaran li Amed, Antalya û Mêrsînê operasyona hemwext a bi navê "hîpnoz" li dar xist. Di operasyonê de Y.A, Ş.R, S.D, V.O, S.O, M.A, B.A, S.K. û B.A.   9 kes hatin binçavkirin. Di lêgerînên ku li mal û kargehên gumanbaran hatin kirin de gelek pere, 15 telefonên destan, laptop, 4 cîhazên POS, 30 qartên bankayan û 20 SIM qert hatin bidestxistin.