Hat dîyarkirin ku piştê hilbijartina serokkomarîyê ji tûra duyemîn re ma, CHP wê derbarê pêvajoya nû ya kampanyayê de "Modela Stenbolê" tetbîq bike.

Di bin serokatîya Kiliçdaroglû de li Navenda Giştî ya CHPê ji bo xebatên kampanyaya hilbijartina Serokomarîyê ya ku wê di 28ê gulanê da bê kirin û Recep Tayyîp Erdogan û Kemal Kiliçdaroglu wê tê de pêşbazîyê bikin civînek hat lidarxistin.

Li gor nûçeya HalkTV'yê, di civînê de hatîye dîyarkirin ku Modela Stenbolê ya ji bo hilbijartinên herêmî, di kampanyaya nû de jî bê tetbîq kirin.

Hat ragihandin ku Ekrem Îmamoglu û Canan Kaftancioglu wê xebatên hilbijartinê yên Modela Stenbolê ku wê li seranserê Tirkîyeyê bê meşandin bi rê ve bibin.