Avahîya ku di erdhêjê de xisarek mezin dîtibû, berî niha hatibû vala kirin û piştê ku qismekê wê bi xwe hilweşîya, avahî û dibistanên derdorê hatin vala kirin.

Piştê erdhejên Mereşê, li Taxa Huzurevlerî ya navçeya Kayapinar a Amedê, beşek ji bloka Koperatîfa Avahiyê ya Diyar Gapê ya 7 qatî ya ku xisareke mezin dîtibû, bi xwe hilweşiya. Di lêkolîna ekîban de hatibû diyarkirin ku di bin kavilan de tu kes tuneye û li ber avahîyê şerîda ewlehîyê hatibû kişandin û tedbîr hatibûn girtin. Îro jî bi tevlê dibistanan, hemû avahîyên derdorê hatin valakirin. Şêniyên apartmanê yên ku ji bo hilweşandinê îmze berhev kirin, diyar kirin ku piştê xebatên pêwîst bên kirin, wê avahî bê hilweşandin.