Di doza êrîşa li dijî malbata Dedeogûllari ku ji ber delîl li dijî ûsûlê hatine komkirin, hemû daxwazên parêzeran ên berîya niha hatibûn pêşkêşkirin, dîsa hatin redkirin.

7 ferdên Malbata Dedeogûllari di 30’ê tîrmehê de ji alîyê Mehmet Altûn ve hatibûn qetilkirin. Danişîna 2’yemîn a doza li 8’emîn Dadgeha Cezayê Giran a Konyayê pêk hat.

Dadgehê daxwaza parêzeran a axaftina di navbera tetîkkêş Mehmet Altûn û personelê tenduristîyê de derbas bûyî li dosyayê bê zêdekirin, nehate qebûlkirin û danişîn taloqê 18’ê çileyê kir.

Piştê danişînê Malbata Dedeogûllari, parêzerên malbatê û parlamenterê Partîya Çepên Kesk Alî Bozan li ber mala ku malbat lê hate qetilkirin û veguherandine muzeya şermê daxuyanî dan çapemenîyê.

Parêzer Atîlla Kart axivî û wiha got: “7 mirovên jîyana xwe ji dest dan li gorî me şehîdên demokrasîyê ne. Kurd heta ku heq, hiqûq, edalet, hiqûqa hemwelatîya wekhev ava bikin dê têkoşîna xwe bidomînin.”