Rêxistinên sivîl ên li Amedê wê derbarê mijara ku berîya hilbijartinan qeyûmê şaredarîya bajarê mezin parên xwe ya ji sedî 46 ên li herêma pîşesazîya Karacadag û Tesktîlê dewrê Midûrîyeta Şopandina Veberhênanê û Koordînasyona Walîtîya Amedê (YÎKOB) re kir de wê ji dadgehê re gilî bike.

Odeya Bazirganî û Pîşesazîyê ya Amedê (DTSO), Borseya Bazirganî ya Amedê (DTB) û Komeleya Pîşesazî û Karsazên Tekstîl ên Başûrê Rojhilat (GUNTÎAD) ji biryara qeyûmê re şerh danîn. Her sê sazî dîyar kirin ku qeyûm hem şaredarî û hem jî walîtîyê bi rê ve dibe û ev biryar neheqî ye û veberhênerên ku dixwazin di pêşerojê de li Amedê karek bikin ji vê biryarê bandoreke neyînî dibînin.

Her wiha sazîyan dîyar kirin ku bi parvekirina parê re para Walîtîya Amedê ya di OSB’ê de gîhîştîye ji sedî 63’an, ji bo betalkirina biryarê xwe amade dikin serî li dozgerîyê bidin. Di biryarê de ji bo dewra parên şaredarîyê yên li Herêma Pîşesazîya Organîze û Herêma Pîşesazîya Pispor a Tekstîlê ti hincet nehat dayîn.