Serokê Giştî yê Partîya Karkerên Tirkîyê (TÎP) Erkan Baş, dîyar kir ku di hilbijartinên 14ê Gulanê de Tifaqa Gel û namzetê wê Recep Tayyîp Erdogan "wê têkçûna herî giran a dîrokê bibînin".

Erkan Başê ku li Haberturkê beşdarê bernameya Fatîh Altaylî bû, derbarê rojeva hilbijartinê de axivî.

Erkan Baş; “Daxwaza Kurd û Tirkan heye ku zêdetir li kolanan bi hev re bijîn. Ez heman tiştî di mijara sunnî û elewîyan de jî dibînim. Pirsgirêka cinsîyeta civakî jî guherî. Sîyasetmedar tirsonek in. Bi ya min divê birêz Kemal wêrek be. Tayyîp Erdogan wê têkçûna herî giran a dîrokê bibîne. Ji ber ku dema kesên ditirsin, mohrê bigrin çi pêwîst be dê bikin."