Navçeya Baglarê li Kolana Dr. Ahmet Bîlgîn li ber derîyê Avahîya Sûleymanoglû depoyeke derqanûnî hat çêkirin.

Şênîyên avahîyê, ji dikana binê avahîyê derbas dibin û diçin malên xwe. Esnafê ku ji ber vê rewşê nikaribû bazirganîyê bike, dikana xwe firot. Lê belê xwedîyê nû yê dikanê got ku ew ê rê nedin derbasbûna ji dikana wî.

Tevê serlêdanên şênîyên avahîyê ji sazîyên fermî yên têkildar re û biryara dadgehê jî depoya qaçax ji alîyê şaredariyê ve nayê hilweşandin. Şênîyên avahîyê dîyar kirin ku ger pirsgirêk neyê çareserkirin ew li ber şaredarîyê çalakî li dar bixin.