Wezîrê Bazirganîyê Omer Bolat, sepanek nû ya ku wê ji bo kontrolkirina berhemên ku li ser înternetê tên firotin bê destpêkirin, eşkere kir û dîyar kir ku sazîyên gelemperî dikarin bi 'kirrîna veşartî' nimûneyan bistînin û ceribandin an jî teftîşê bikin.
Wezîrê Bazirganîyê Omer Bolat, derbarê kontrolkirina berhemên ku bi rêya amûrên ragihandinê yên ji dûr ve li bazarê tên kirin de nirxandinek kir.
Wezîr Bolat dîyar kir ku bazirganîya elektronîk di warê ewlehîya berheman de metirsîyan vedihewîne û wiha got: “Bi vî rengê, wê kontrolek bi bandortir a hilberên ku bi bazirganîya elektronîk ve girêdayî ne were peyda kirin.
Sepan wê hemû berheman bigire nav xwe û bi hûrgulî di bin kontrola Wezaretê de were kirin." Bolat her wiha got, di bazirganîya elektronîk de projeya ewlekarîya berheman wê di demeke kin de bê tetbîqkirin û nermalava ku bi jîrîya sûnî ve tê piştgirîkirin bê çêkirin û sîstemeke kontrolê ya bi bandor bê avakirin.
