Wezareta Karên Navxweyî, di derbarê "li qadên girtî de bikaranîna maskeyan" de giştînameyekê weşand. Di giştînameyê de hat dîyarkirin ku rêgez û prensîbên di derbarê xebatên jiyana civakî yên di pêvajoya pandemiyê de, li gor rêya şewbê û pêşnîyarên Wezareta Tenduristîyê hatine destnîşankirin. Di vê çarçoveyê de, ji 27’ê Nîsana 2022’an û vir ve bikaranîna maskeyê, ji bilî veguhestina giştî û sazîyên tenduristîyê, li hemû qadên girtî bi dawî bûye. Li qadên girtî yên wesayîtên veguhestina giştî û sazîyên tenduristîyê, heya ku hejmara weqaya rojane dakeve binê 1000î, wê mecbûrîyeta bikaranîna maskeyan berdewam bike.