Serokwezîrê Iraqê Mihemed Şîa Sûdanî, ragihand ku hinardekirina petrola Herêma Federal a Kurdistanê, vê hefteyê dest pê dike.

Sûdanî bi rojnamevanan re civîya û derbarê rojevê de wiha got, “Di vê hefteyê de hinartina petrola Herêma Kurdistanê dest pê dike. Piştê rêkeftina di navbera Herêm û Bexdayê de, hinek rêkarên ku pêwîst bû ji bo hinartina petrolê bihatana temamkirin, piranîya wan temam bûn.” Sûdanî her wiha dîyar kir ku lihevkirinek heye ku hemû koçber vegerin herêmên xwe û tekez kir ku ev mijar ji bo Bexdayê girîng e.

Serokwezîrê Iraqê derbarê aborîyê de jî wiha got, dînarê Iraqê bihêz e û rewşa aborî ya welat jî pir baş e. Dolarek Amerîkî daketîye hezar û 320 dînar.”