Wezîrê Tendirustîyê Fahrettîn Koca dîyar kir ku ji bo “Qûraya Berpirsîyarîya Xizmeta Dewletê” ku cihên wezîfeya bijîşkan dê dîyar be, pêvajoya tercîhê îro dest pê dike.

Wezîr Koca derbarê mijarê de daxuyanî da û wiha axivî: “Pêvajoya tercîhê ya ji bo cihên peywirê yên 13 hezar û 163 bijîşkan dest pê dike. Bijîşk dikarin li ser malpera Sîstema Agahîyê ya Personelên Wezîrîya Tendirustîyê tercîhên xwe bikin.” Her wiha Wezîr Koca dîyar kir ku di civîneka onlineê de ji bo sazîyên tendirûstîyê ku pêdivî bi bijîşk û bijîşkên pispor hene nirxandin hate kirin.