Ji bo tîma tenduristîyê ya Amedsporê, têketina sehayê heta salekê hate qedexekirin. Li hemberê Amedsporê ku ev 7 sal in bi qedexeya alîgiran re rû bi rû ye, helwesteke nû ya cihêkarîyê hat lê zêdekirin.

Midûrîyeta Ewlehîyê ya Amedê, di maça Amedspor-Dûzcesporê ji ber ku mudaxeleya lîstikvan ê ku birîndarbûbû kirine bi hinceta qanûna bi hejmara 6222’an ketina stadyumê salekê li tîma tenduristîyê qedexe kir.

Komeleya Alîgiran a Amedsporê derbarê mijarê de daxuyanîyek da û wiha got, “Bûyera ku 20 hezar alîgirên li stadyûmê, rayedarên TFF’ê, rêveberên tîmê û li pêş çavdêrvanan qewimî, digel ku TFF’ê jî bi awayekî fermî cezayek nedaye, Midurîyeta Polîsan a Amedê, ketina sehayê ji bo salekê li tîma me ya sedyeyê qedexe kirî ye.”

Hat dîyarkirin ku yek ji kesên di tîma tenduristîyê ya Amedsporê de dixebite îro çûye Midurîyeta Polîsan a Amedê û wê îfadeyê bide.