Hat ragihandin ku îmtîhana navendî ya di çarçoveya Pergala Têketinê ya Dibistana Bilind (LGS) bi tevlê herêma erdhejê jî wê di 4ê Hezîranê de bê kirin.

Serokê Sendîkaya Kedkarên Perwerde û Zanistê (Egîtîm Sen) yê Şaxa Jimare 9 a Stenbolê Huseyîn Ozev, nerazîbûn nîşanê Wezareta Perwerdehîya Neteweyî (MEB) da ku pêşnîyarên perwerdekaran li ber çavan nagire.  Ozev, dîyar kir ku ew bi xwe jî wek dildarekî çûye herêma erdhejê û wiha dîyar kir, “Gelê herêmê travma dîtîye. Tiştê ku Wezareta Perwerdehîya Neteweyî bibêje xwendekarên li herêma erdhejê ji dersên nîvsala duyemîn tên mûaf girtin, bê wate ye. Ji ber ku ev xwendekar neçar bûn biçin bajarên din. Mal, malbat û mamosteyên xwe winda kirin. Ew ê nikaribin di hawîrdorek saxlem de îmtîhanê bikin. Ew ê di îmtîhanê de kêmasîyek bistînin. Ji ber vê yekê, divê kotayên zêde ji bo xwendekaran bêyî îmtîhan were veqetandin. Xwendekar bi zor debara xwe dikin. Ew ê çawa ji bo îmtîhanê amade bibin?” Ozev da zanîn ku li herêmê hemû dibistan wêran bûne û wiha got, “Ji tiştên ku di perwerdeyê de diqewimin dewlet berpirsyar e. Wekhevîya derfetan di perwerdeyê de ji holê rabû. Dibistanên taybet bi vê hikûmetê zêde bûn.”