Hevserokê berê yê Partîya Demokratîk a Gelan (HDP) Selahattîn Demîrtaş ku li Girtîgeha Tîpa F ya Edîrneyê girtî ye, daxuyanîya HDP'ê ya 'Em ê bi namzetê xwe yê Serokkomarîyê biçin hilbijartinê' ji K24'ê re nirxand.

Demîrtaş wiha got, “Kesê ku Kurdan weke îrade qebûl neke wê neyê destekkirin. Lê HDP derîyên xwe bi temamî negirt. Piştî wê divê muxalefeta din bi HDP’ê re biaxive û gavekê bavêje.”

Demîrtaş, anî ziman ku Maseya Şeş Alî polîtîkaya ku HDP'ê dihesibîne û dîyalogê bipêş dixe neşopandîye û wiha got, “HDP'ê li dijî 'hemû polîtîkayên tune hesibandinê' biryar da ku bi namzetê xwe yê Serokkomarîyê re biçe hilbijartinê.”