Platforma Şaxên Konfederasyona Sendîkayên Kedkarên Cemawerîyê (KESK) ya Amedê, derbarê betalkirina Biryarnameya di Hukmê Qanûnê de (KHK) û betalkirina xala demkî ya 35’emîn a ku li Biryarnameya bi Hejmara 375’an ku destûr dide ji kar derxistina sazîyên cemawerîyê, daxuyanî da. Endamê Lijneya Rêveberiya BES'ê ya Şaxa Amedê Suleyman Ogut daxuyanî xwend û wiha got: “Komîsyona Rewşa Awarte ku mekanîzmayeke îdarî ya li dijî qanûn û peymanên navneteweyî ye, bêbandor e, nayê kontrolkirin, xwe di ser destûr û qanûnê re dibîne û weke organeke hikûmetê dixebite, divê demildest bê rakirin. Divê dosyayên hemû hevalên me yên ku ji ber hincetên ne hiqûqî hatine sûcdar kirin, ji kar hatine dûrxistin û derbarê wan de biryara dawî ya darazê tune ye, bê ceza bên girtin hemû hevalên me yên heta niha hatine îxrackirin demildest divê li karên xwe bên vegerandin û bighêjin mafên xwe. Em ê têkoşîna xwe bidomînin ku heta kedkarên cemawerîyê yên îxrackirî yên dawî vegerin kare xwe.”