Serokê Giştî yê CHPê Kemal Kiliçdaroglu dîyar kir ku di Civîna Tifaqa Milet ya ku wê sibe bê lidarxistin de, dibe ku namzed dîyar dibe, lê dibe ku tavilê neyê eşkerekirin.

Nivîskarê Rojnameya Sozcu Denîz Zeyrek, di nivîsa xwe ya îro de behsa hevdîtina xwe ya bi Kiliçdaroglû re kir. Kiliçdaroglu dibêje, "Çawa ku me metna 'Pergala Xurtkirina Parlamenterîyê, pêşnûmeya xwe ya Destûra Bingehîn dîyar kir û di rojeke din de eşkere kir, piştê ku me namzetê Serokomarîyê dîyar kir, em ê di rojeke din de jî eşkere bikin." Ji bo pirsa “Ji bo dîyarkirina namzetê serokomarîyê hûn ê merasîmeke taybet li dar bixin an na?” jî Kiliçdaroglu wiha bersiv da, "Em ê di 2'ê Adarê de hemûyan dîyar bikin.” Kiliçdaroglu her wiha got, biryara Serokomar Recep Tayyîp Erdogan a ji bo nûkirina Meclîsê ya di 10ê Adarê de, wê bandorê li bernameya namzedîyê ya Tifaqa Milet neke.