Hat dîyarkirin ku ava bendavên Amedê normal bûye.

Hişkesalî ya ku di van salên dawî de li seranserê Tirkîyeyê didome, bandor li Amed û herêmê jî kirîye. Midûrê Karê Avê ya Dewletê yê Herêma 10. Yaşar Ceylan, rêjeya dagirtî ya bendavên bajêr eşkere kir. Ceylan, dîyar kir ku rêjeya dagirtî ya bendavên girîng ên ku pêdivîyên avê yên Amedê temîn dike di asta asayî de ye û ti pirsgirêk nînw. Ceylan dîyar kir ku di bendavên ku ji bo enerjîyê tên bikaranîn jî asta avê normal e. Derbarê hişkesalîyê de em tedbîrên xwe digrin.