Li navçeya Kayapinar a Amedê, beşek ji avahîya ku zirarek mezin dîtibû, hilweşîya. Avahîyên derdorê weke tedbîr hatin valakirin.

Li Amedê avahîyeke di erdhêjê de xisareke mezin dîtibû, qismekê wê hilweşîya.Li Taxa Huzurevleri ya navçeya Kayapinara Amedê, qismek bloka 7 qatî ya Siteya Dîyar GAPê ya li Kolana 85emîn a nêzî rawestgeha dawî, hilweşîya. Di saetên derengîya şevê de hilweşîna avahîya vala, welatîyên derdorê nerehet kir. Li ser ragihandinê hêzên ewlehîyê û ekîbên AFADê yên hatin cîhê bûyerê li derdora avahîyê xeleka ewlehîyê ava kirin û qada ku avahî lê ye, ji trafîkê re girtin. Hat dîyarkirin ku di lêkolînên ku ji teref ekîbên AFADê ve hatine kirin de mirî û birîndar tunene.