Bi saya qedexeya bikaranîna avê ya ji bo şuştina siwareyan a ku ji alîyê DÎSKÎyê ve hatibû dayîn, li Amedê zêdetirê 120 hezar metrekup av hatîye teserûf kirin.

Midûrê Giştî yê DÎSKÎyê Firat Tutşî ku derbarê qedexeya li cihên şuştina siwareyan û şuştina xalîyan ya ku bi dawî bûye û derbarê teserûfa ava ku ji vê qedexeyê hatîye bidestxistin de daxuyanî da.

Tûtşî, bi spasîya xwe ya ji bo gelê Amedê dest bi axavtina xwe kir û wiha got, "Li gor sala par me, di meha tîrmehê de 430 hezar metrekup av  kêm bikaranîye. Ev nîşan dide ku; Hema bêje li her malê her kes guh da ye bangawazîya me ya ji bo teserûfa 10 lître avê. Di van rojên dawî de bi saya van qedexeyan, bi giştî 124 hezar û 155 metrekup av di embara me de ma. Ji bo vê ez spasîya hevwelatîyên me dikim."