Li Amedê kêzika Drakûla zirarê dide daran. Kêzika ku hat tesbîtkirin li gelek cihên bajêr belav bûye, li navçeya Rezanê bû sedema hişkbûna gelek daran. Rayedarên Midûrîyeta Çandinî û Daristanan a Parêzgehê ku li cihê bûyerê lêkolîn kirin, rewş xistin bin raporê. Di raporê de hişyarî hat dayîn ku ger tedbîr neyên girtin, wê kêzika drakûlayê li qadên berfireh belav bibe û zirareke mezin bide daran. Di raporê de hat dîyarkirin ku tu kontroleke bi bandor a kîmyewî ya ku bikaribe belavbûna vê zirarê bitepisîne tune ye. Serokatîya Daîreya Park û Baxçeyan a Şaredarîya Bajarê Mezin a Amedê, di 23ê Adarê de raporek amade kiribû û diyar kiribû ku wê şitlên nû bên çandin. Lê ji bo çareserîyê hê jî tu gav nehatine avêtin.