Di civîna ku pisporên 4 wezaretan ji bo çareserîya kirêya bilind a xanîyan hatin cem hev, tedbîrên ewil hate dîyarkirin.

Wezîrê Hawirdor, Bajarvanî û Guherîna Îqlimê Murat Kurum, Wezîrê Edaletê Bekîr Bozdag, Alîkarê Wezîrê Xezîneyê Yunus Elîtaş û burokratên Wezareta Bazirganîyê jî beşdarê "Civîna Kirêya Zêde" bûn. Hat dîyarkirin ku di civînê de gelek tedbîr û biryar hatin girtin. Hat dîyarkirin ku ev biryar piştê ku hincetên qanûnî bên amadekirin wê bi qebûlkirina Serokomarîyê bên tetbîqkirin. Li gor agahîyên ku di encama hevdîtinê de hatin bidestxistin, kirêdar wê karibin kirêyên ne asayî ji xeta giliyê re ragihînin. Wê çavdêrî bê kirin ka xwedîyên xanîyan beyanname pêşkêş dikin an na û di zêdekirina kirê de ji bo di nav sînorên qanûnî de bimînin wê bên kontrolkirin. Armanc ew e ku bi rêya e-dewletê mekanîzmayek gilîkirinê ya heman rengî bicîh bîne.