Li Êlihê zarokê ku mînîbusa ji garajê derdiket lê qelibî jîyana xwe ji dest da.

Li gor agahîyên ku hatine wergirtin şofêrê ku xwest mînîbusê ji garaja mala wan a li taxa Seyîtler a Êlihê derxe, bêyî ku haya wî jê hebe li Dildar Dundarê 1 salî ku li pişt siwareyê bû qelibî.

Xizmên ku zarok di bin siwareyê de dîtin, mînîbusê rawestandin û zarok ji binê wê derxistin.

Dildar Dundar ê ku bi mînîbusa lê qelibî rakirin Nexweşxaneya Lêkolîn û Perwerdehîyê ya Êlihê, tevî hemû mudaxeleyan jîyana xwe ji dest da.

Cenazeyê Dildar piştê otopsîyê teslîmê malbatê kirin. Derbarê bûyerê de lêpirsîn hat destpêkirin.