Li navçeya Artuklu ya Mêrdînê di hewşa mizgeftekê de cesedê pitikek nû hat dîtin.

Welatîyên ku li gundê Qaws ya navçeya Artukluyê çûn nimêja sibê, ferq kirin ku di baxçeyê mizgeftê de pitikek heye.

Li ser agahdarkirina welatîyên ku dîtin pitik bêliv e, ekîbên tenduristîyê hatin cîhê bûyerê û dîyar kirin ku pitik mirîye.

Piştê lêkolîna cîhê bûyerê cenazeyê pitik ji bo otopsîyê birin morga Nexweşxaneya Lêkolîn û Perwerdehîyê ya Mêrdînê. Ji bo girtina kes an jî kesên ku pitika nû danîne li wir lêpirsîn hat destpêkirin.