Di êrişa xwekujîyê ya li eyaleta Belûcistan a Pakistanê nêzî mizgeftekê pêk hat de, hejmara kesên jîyana xwe ji dest dane ji 50 derbas kir.

Rayedarên tenduristîyê û polîsan ragihand ku roja inê li eyaleta Belûcistan a li başûrê rojavayê Pakistanê, mirov ji ber qendîlê li ber mizgeftê kom bûn û di wê navberê de teqînek pêk hat.

Mirovên ku ji bo pîrozkirina qendîla Mewlîdê hatin ba hev, di êrişê de hatin hedefgirtin. Li gorî çavkanîyên tenduristî û polîsan herî kêm 52 kesan jîyana xwe ji dest dan û zêdeyî 50 kesan jî birîndar bûn. Heta niha kesî êrîş li xwe negirtîye û Serokê Hikûmeta Demborî ya Pakîstanê Anvarûl Hak Kakar, êrîşa bombeyî şermezar kir.