Di dema muzakereyên li ser rapora parêzbendiyê ya Hevseroka Giştî ya Partiya Herêmên Demokratîk (DBP) û Parlamentera Amedê Salîha Aydenîz de, ji ber ku endamên çapemeniyê ji aliyê Serokê Komîsyona Têkel a Meclîsê Abdullah Guler ve ji salonê hatin derxistin, alozî derket. Cîgira Serokê Koma HDP’ê Meral Daniş Beştaş, têkildarê derxistina rojnamevanan daxuyanî da. Beştaş got, “Civîna komîsyonê nekarî dest pê bike. Komîsyonê û meclîsa wê bêyî ku ji endaman bipirsin çapemenî vexwendibûn derve. Ev li dijî qanûn û adetê ye. Îro jî serokê komîsyonê got “dosya nepenî ye” û ji çapemeniyê re girt. Ev wêneyê dawiya qanûnê ya li meclîsê ye."