Li navçeya Qosera Mêrdînê di navbera du malbatên xizmên hevdû de şerê çekdarî derket û di encamê de kesek jîyana xwe ji dest da.

Bûyer do danê êvarê li taxa Arakoyê ya gundewarî ya Qoserê pêk hat. Li gor agahîyên ku hatine wergirtin di navbera her du komên ku xizmên hev bûn de nîqaşa devkî derket û veguherî şerê çekdarî. Di encama şer û pevçûnê de 5 kes birîndar bûn. Ji birîndaran kesek digel hemû mudaxeleyan jîyana xwe ji dest da. Derbarê bûyerê de lêpirsîn hat destpêkirin.