Li Rojavayê di encama êrîşa ku bi SIHA’yê pêk hat, endamekî Meclîsa Leşkerî jîyana xwe ji dest da.

  Çavdêrxaneya Mafên Mirovan a Surîyê (SOHR) ragihand ku endamekî Meclîsa Leşkerî ya Til Temirê ya Hesekê ku girêdayê Hêzên Surîyê yên Demokratîk in, li gundê Asûrîyan Til Cûma’yê ji alîyê Wesayîta Hewayê ya bê Mirov a bi Çekdarî (SIHA) ve hat kuştin. Nasnameya kesê ku hatîye kuştin ji alîyê Çavdêrxaneya Mafên Mirovan a Surîyê (SOHR) nehat aşkere kirin. Her wiha SOHR dîyar kir ku Tirkîye gundê Tewileyê ku girêdayî Til Temirê ye bomberan kirîye.