Namzetê Parlamenterîyê yê Enqereyê yê Partîya Memleket Çagri Unsal, ji namzetîyê vekişîya û dîyar kir ku ew ê piştgirîyê bidin Tifaqa Milet û Kiliçdaroglû.

Unsal êrîşa li dijî mîtînga Şaredarê Stenbolê û namzetê Cîgirê serokkomarîyê Ekrem Îmamoglû ya li Erziromê bi bîr xist, û wiha got, "Lê belê di vê kêlîyê de hemû komên mûxalîf ên ku ev 20 sal in li dijî tarîtîya AKP'ê têdikoşin, divê nîqaşên xwe yên navxweyî bidin alîyekî û bi hev re vê têkoşînê bidomînin.

Ji ber van sedeman ez radigihînim ku ez ê di hilbijartinên 14ê Gulanê de piştgirîya namzedê serokomarîyê Kemal Kiliçdaroglu û Tifaqa Milet bikim; Ji ber ku li hember sîyaseta Partîya Memleket, ku ji damezrandina wê heta niha ez endamê wê me, bi xemgînî dest ji namzedîya parlementerîya Enqereyê, endamtîya Desteya Disîplînê ya Giştî û endamtîya partîyê berdidim.