Parlamentera HDP'ê ya Stenbolê Oya Ersoy nelirêtîya li 3 dibistanên Wanê anî rojeva meclîsê.

Di pêşnûmeya ku ji Wezîrê Perwerdehîya Neteweyî Mahmut Ozer re hat dayîn de, bi daxwaza bersivdayînê wiha hat pirsîn, “Ji bo tavilê ji kar dûrxistina rêveberên dibistanên pêwendîdar, ji alîyê wezareta we ve ti talîmat hatîye dayîn an na? Di 3 dibistanan de qedandina perwerdeya hevpar di agahîya wezaretê de bû ya na? Der barê rayedarên ku di vî warî de li ber wezareta we wezîfeya xwe îstîsmar kirine dê lêpirsîn bê vekirin an na?” Ersoy, di dawîya daxuyanîya xwe de wiha got, “Em ê destûrê nedin perwerde û pêkanînên olî-reaksîyonî li dibistanan! Divê Wezareta Perwerdehîya Neteweyî erka xwe pêk bîne!”