Berdevkê Pentagonê General Pet Ryder di civîna çapemeniyê de derbarê operasyonên Tirkîyeyê yên li herêmên di bin kontrola Hêzên Sûrîyeya Demokratîk (DSG) ên li bakurê Sûrîyeyê de daxuyanîyek da.

General Ryder diyar kir ku ew ji ber êrîşên Tirkîyeyê gelekî zêde bi fikar in û wiha got, "Em ji rageşîya li Bakurê Sûrîyeyê, Iraq û Tirkîyeyê gelekî bi fikar in. Ji ber vê yekê em banga îtîdalê dikin. Pevçûnên ku didomin, bi taybetî êrîşên bejayî, wê destkeftîyên li dijî DAIŞ'ê bi dijwarî hatine bi dest xistin bixe xeterê û wê li herêmê jî bibe sedema bêîstiqrarîyê."