Kêmasîya peydakirina dermanan her ku diçe mezin dibe. Di meha sibatê de her çiqas ji sedî 37 zêde bû jî gelek derman li dermanxaneyan nayên peydakirin.

Serokê Odeya Dermanfiroşan a Wan-Bedlîs-Colemêrgê Hayrullah Fîkret Baransel, dîyar kir ku bi taybetî di peydakirina dermanên zarokan de pirsgirêkên cidî hene.

Baransel, anî ziman ku dermansaz jî bi pirsgirêka dermanan re têdikoşin û got, “Bi taybetî şrûbên zarokan, em nikarin gelek dermanên ku ji bo zarok û mezinan têne bikar anîn bibînin. Li cîhanê di hinek koman de kêmasîya dermanan heye, lê ya me gelekî taybet e. Ji ber nebûna dermanan xizmeta tenduristîyê li ber rawestandinê ye.”