Serokê Odeya Endezyarên Çandiniyê (ZMO) yê Şaxa Amedê Samet Ûcaman ji bo 157 hektar erdê ku ji aliyê Rektorîya Zanîngeha Dîcleyê ve ji îmarê re hatiye vekirin wiha got, "Em ê li dijî vê yekê derkevin.” Rektorê Zanîngeha Dîcleyê ji bo di projeyê de erdê bi qasê 3,4 hektarî ya ji bo qada hêşîn were guhertin, serî li Wezareta Hawirdor, Bajarvanî û Guhertina Avhewayê da. Di encama serlêdana ku ji teref Wezaretê ve hat qebûlkirin de nêzî 2 hezar donim erd wê bê firotin. Ûcaman, anî ziman ku di 25'ê Nîsanê de qada Çemê Dîcle ji bo îmarê hatiye vekirin û ji bo siberoja pêşketinê ya Baxçeyê Hewselê û Çemê Dîcleyê xetere heye û wiha got, "Em ê bi gel û saziyên ku piştgiriyê didin me li dijî vê derkevin."