Heyeteke ji Platforma Yên ku Teqawîtê de Astengîya Temenê de ne (EYT) bi Wezîrê Ewlehîyê yê Civakî û Xebatê Vedat Bîlgîn re civîya.

Li Enqerê ji bo EYT’ê bernameya hevdîtinên çareserîyê hate danîn. Serokê Komeleyên EYT’ê yê Sakaryayê û Namzetê Platforma EYT’ê Mehmet Alî Çelîk dîyar kir ku dosyeya daxwaz û mexdûrîyetan pêşkeşî Wezîr Bîlgîn kirîye û axaftina xwe wiha domand: ‘Wezîr Bîlgîn destnîşan kir ku formulên di çapemenîyê de cih girtibûn di civînê de nehat axaftin û digel ku daxuyanîyeke min di holê de tune bû agahîyên xelet ji raya giştî re hatine dayîn. Derbarê çareserîyê de em gihîştin asteke baş. Piştî hevdîtinên budçeyê dê li ser mijara EYT’ê berfirehî were rawestan û çareserî were dîtin. Her wiha Wezir Beg ji bo çareseriya EYT’ê dîrok da û got Kanûna Pêşîn de dê ev mijar çareser bibe.’