Qedexeya parêzeran a ji bo kesên di operasyona Amedê de hatibûn binçavkirin bi dawî bû, biryara nepenîtîyê ya ji bo dosyayê berdewam dike.

Di çarçoveya lêpirsîna li Amedê ya ku duh ji alîyê Serdozgerîya Komarê ya Amedê ve hatibû destpêkirin de li 21 bajaran di serdegirtina malan û kargehan de rojnamevan, sîyasetmedar, parêzer, rêveberên sendîkayan û hunermend jî di nav de, herî kêm 126 kes hatin binçavkirin. Hat dîyarkirin ku kesên li 20 bajaran hatin binçavkirin jî anîne Amedê û lêpirsîn dewam dike. Di vê navberê de hat dîyarkirin dibe ku hejmara binçavkirinan zêde bibe.