Qeymeqamtîya Tetwanê lîstika şanoyê ya bi navê "Hay Lo Dîsa Tevlîhev Bû" ya ku dihat bendêkirin ji alîyê Şanoya Mencelê ve di 31'ê Gulanê de were lîstin, betal kir. Li gor agahîyên ku hatine wergirtin; Qeymeqamtîya Navçeyê pêşî îdîa kiriye ku di Navenda Çandê de pirsgirêkeke teknîkî derketiye. Dema ku ekîba lîstikê diçe navenda çandê û pirsgirêka teknîkî dipirsin, bersiva "Pirsgirêk tune, hûn dikarin werin û bilîzîn." digirin. Lê hat dîyarkirin ku qeymeqamtî bêyî ku hincetekê nîşan bide destûr nedaye lîstikê werê lîstin.